佇火星 ê 沙條崙 ft. Tsai-Wen Lin (20210106)

<p>佇火星 ê 沙條崙 <br />https://apod.tw/daily/20210106/ <br /> <br />火星面頂 ê 沙崙是按怎變做一條一條 ê？無人知影。這張 影像 是 tī 火星 ê Kunowsky 大坑 ê 沙條崙。是最近才用 火星探測軌道衛星 ê <br />HiRISE kha-mé-lah 翕 ê。真濟火星 ê 沙崙去予二酸化炭素霜（to̍h 是 <br />乾冰）崁牢矣！遮一搭遐一搭，才會看起來有的所在光、有的所在暗。二酸化炭素袂溶去，毋閣會 昇華 變做氣體。二酸化炭素是一个 <br />溫室效應物質，就算伊是固體嘛是仝款。伊會 tī 冰 ê 形態 kā 熱量擋咧，才 úi 下面 昇華，造成像 歇陣噴泉彼款 ê 爆發。Tī 火星 ê <br />春天，這款爆發會造成沙崙 ê 烏斑，就是解凍了後看起來 較烏 ê 沙。這張 影像 是 tī 火星 ê 秋天翕 ê，彼當陣 ê 天氣已經欲變寒矣，這款一條一條 ê <br />圖樣煞予人捎攏無。一个假設是講，in 是冰 ê pit-sûn。是較弱 ê 爆發抑是日夜變化 ê 熱應力 造成 ê。毋閣這个講法猶袂確定。Tī 火星無仝 ê <br />季節 看遮 kah 別位 ê 沙崙，會使予咱較濟 ê 線索來拍開這个奧祕。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像提供：HiRISE, MRO, LPL (U. Arizona), NASA <br />影像處理：Włodek Głażewski <br />文稿：Alex R. Howe (NASA/USRA, Reader’s History of SciFi Podcast) <br />音樂：PiSCO - 鼎鼎 <br />聲優：Tsai-Wen Lin <br />翻譯：An-Li Tsai (NCU) <br />原文：https://apod.nasa.gov/apod/ap210106.html <br /> <br/>Powered by <a href="https://firstory.me">Firstory Hosting</a></p>