有一巡一巡 ê NGC 1947 ft. 阿錕 (20210407)

<p>有一巡一巡 ê NGC 1947 <br />https://apod.tw/daily/20210407/ <br /> <br />NGC 1947 會使 tī 足遠 ê 南天深空，鬼頭刀星座 ê 邊界揣著。伊離咱有 4000 萬光年遠。Tī 這个去予恆星光照出來 ê <br />形影內底，看會著宇宙塗粉帶 to̍h 迒 tī 這个特殊星系 ê 中央足光 ê 區域面頂。一般捲螺仔星系 ê 恆星、氣體、kah <br />塗粉，會綴捲螺仔手骨做伙行。毋閣 NGC 1947 煞 kah in 無仝。伊 ê 塗粉 kah 氣體煞無 kā 恆星綴牢牢。有這款 較複雜 ê 無連紲運動 <br />to̍h 表示，tī 這个星系看會著 ê 一巡一巡 ê 塗粉 kah 氣體，可能是 ùi 另外一个星系來 ê。伊 to̍h tī 這个特殊 ê 星系過去 30 <br />億年左右 ê 演化過程中，去予 NGC 1947 食去矣。這張清楚 ê 哈伯影像 tī NGC 1947 ê 中央有 2 萬 5 千光年闊。前景 ê 銀河系恆星 <br />kah 小可仔較遠 ê 背景星系 to̍h tī 這幅圖內底四界掖。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：ESA/Hubble & NASA, D. Rosario; Acknowledgment: L. Shatz <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210407.html <br /> <br/>Powered by <a href="https://firstory.me">Firstory Hosting</a></p>