星團 M35 kah NGC 2158 ft. 阿錕 (20210510)

<p>星團 M35 kah NGC 2158 <br />https://apod.tw/daily/20210510/ <br /> <br />星團有近--ê 有遠--ê，有少年--ê 有 老--ê，有散--ê 有集中--ê。這張影像 展示 tī 仝一个星場內底 ê 兩个 開放星團 相對照。Tī <br />倒爿下跤 ê 是 M35，伊離咱算近 ê，差不多有 2800 光年 遠。伊是有較少年，差不多是 1.5 億歲，嘛較散，差不多是 2500 粒恆星 tī 這个 <br />30 光年闊 ê 空間內底。較光 ê 藍光星，定定會當提來分辨少年 ê 開放星團， to̍h 親像 M35。相對來講，tī 正爿頂懸 ê NGC 2158，是比 <br />M35 閣較遠 4 倍，閣較老 10 倍，嘛較集中。NGC 2158 內底較光 ê 藍光星已經 家己爆炸 矣，所以星團 ê 光這馬主要是一寡較老 ê kah <br />較黃 ê 恆星來 ê。一般來講，開放星團會 tī 咱 ê 銀河系 ê 星系盤面頂揣著，而且不管 tī 佗位內底攏會有 100 到 10000 粒恆星。In <br />攏差不多 tī 仝一个時間形成 ê。開放星團 M35 kah NGC 2158 攏會使用細台望遠鏡 tùi 雙生仔星座（雙生仔座）ê 方向 揣著。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：CFHT, Coelum, MegaCam, J.-C. Cuillandre (CFHT) & G. A. Anselmi (Coelum) <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210510.html <br /> <br/>Powered by <a href="https://firstory.me">Firstory Hosting</a></p>