Vatican Radio News in Latin 30.07.2022

Deutsche Übersetzung, siehe unten! “HEBDOMADA PAPAE” Notitiae Vaticanae Latine redditae diei tricesimi mensisi Iulii anno bismillesimo vicesimo secundo (TITOLI) Pontíficis iter in Cánadam, «iter paenitentiále», quod indígenas gentes illíusque loci Ecclésiam ampléctitur. Sanctórum Ióachim et Annae memória et avórum Dies Pontíficem comitántur in Canada: «Iuvénibus ab eis est recipiéndum, radíces sunt utique illis recipiéndae». Primus Miníster Canadénsis Iustínus Trudeau, iter illuc faciénte Francísco, ait: «Reconciliátio ad nos omnes áttinet». Salútem plúrimam ómnibus vobis auscultántibus núntios Latína lingua prolátos dicit Eugénius Murrali. (SERVIZI) «Iter paenitentiále», sic iter suum in Cánadam definívit Francíscus Papa: sex dies Ipse in illa Natióne morátur, ubi quondam coloniárum mos erga indígenas gentes inváluit, parátus quidem ad véniae sanationísque iter suscipiéndum. Audiámus Alexánder De Carolis. Edmundópolis, Maskwácium, Quebécum et Iqalúitum statiónes sunt itíneris Pontíficis in Cánada, útique «itíneris paenitentiális», occúrsibus célebris et significatiónibus. Apud Pontíficem praecípuum locum obtínuit géntium indigenárum locíque Ecclésiae ampléxus. Francíscus primum communitátes indígenas Maskwacii conveníre vóluit, ubi Primas Natiónes vulgo dictas Métis et Inuit amplexátus est, erga párvulos dámnans abúsus: «V&e