Vatican Radio News in Latin 17.09.2022

Deutsche Übersetzung, siehe unten! “HEBDÓMADA PAPAE” Notítiae Vaticánae Latíne rédditae Die séptimo décimo mensis Septémbris anno bis millésimo vicésimo secúndo (TÍTULI) Póntifex ait: Deus pax est, numquam Ipse ódio violétur. Francíscus Papa effátur: ex cruce vita, história et pópuli nova ratióne cernúntur. Inter Sanctam Sedem et Kazakstániam páctio ad licéntiam concedéntiam in Natiónem intrándi missionariórum. Salútem plúrimam ómnibus vobis auscultántibus núntios Latína lingua prolátos dicit Márius Galgano. (NOTÍTIAE PRAECÍPUAE) “Dies nostros adhuc cérnimus qui belli vúlnere, ácribus contentiónibus notántur; régredi nemo, neque manum álteri porrígere valet”. Hoc osténdit spectáculum Póntifex, Congréssus témpore moderatórum mundanárum translaticiarúmque religiónum, quos est cohortátus ut pacis “universálem provocatiónem” aggrediántur. Lóquitur Olga Sakun. Francíscus Papa die Mercúrii Congréssum moderatórum terrárum orbis translaticiarúmque religiónum incohávit, suádens simul ut cuncta extréma religiónis, aliórum fídei contémptio repelleréntur, et novus terrárum orbis efficerétur. Francíscus Papa quáttuor máximas provocatiónes exhíbuit, quas expedíre debent religiónes, quae sunt universális pestiléntia, pax, fratérna recéptio, commúnis domus tutéla. Ántequam incíperent, religiósi moderatóres sil