Vatican Radio News in Latin 08.04.2023

Die deutsche Übersetzung siehe unten!                 Hebdomada Papae Notitiae Vaticanae Latine redditae             8 Aprilis 2023 (die octávo mensis Aprílis anno bismillésimo vicésimo tértio)   (TITULI) Póntifex ait: Spíritus “lavat quod est sórdidum” Francíscus belli víctimas mémorat ac pro mílitum Ucrainórum Russorúmque mátribus precátur Lítterae apostólicae motu próprio datae de poenáli Iure recognoscéndo Ecclesiárum Orientálium edúntur Salútem plúrimam ómnibus vobis auscultántibus dicit Marius Galgano bene felicitérque sit vobis audiéntibus núntios Latína lingua dictos.   (NOTITIAE) In homíliae Missae Chrysmális sensum éxtulit Póntifex unctiónis. Refert Olga Sakun. Si in nobis pátimur veritátis Spíritum ágere, unctiónem tuébimur, quóniam mendácia cum quibus vívere allícimur in lucem ferúntur. Quod feria quinta in Céna Dómini praédicans dixit Summus Póntifex. Qui áddidit: Spíritus, qui “lavat quod est sórdidum”, nobis suádet, sine intermissióne, ne unctiónem maculémus, ne parum quidem. Concórdia est instauránda, quod summópere exóptat Spíritus Sanctus, per illos praesértim in quos suam unctiónem effúdit. Iam die domínico áltero mensis Aprílis anno bismillésimo vicésimo tertio Missae Palmárum praesédit Francíscus: post brevem in valetudinário Gemelli commoratiónem o