Vatican Radio News in Latin 02.12.2023

Die deutsche Übersetzung befindet sich weiter unten. “HEBDÓMADA PAPAE” NOTÍTIAE VATICÁNAE LATÍNE RÉDDITAE Die secúndo mensis Decémbris anno bismillésimo vicésimo tértio   TÍTULI In Dubáiam iter, postulántibus médicis, delétur. Apud Pontíficem, oratríces lúteis vestiméntis indútae, vim advérsus féminas reíciunt. Francíscus áutumat: ad Evangélium nuntiándum “opórtet hodiérni témporis sistámus in cómpito”. Salútem plúrimam ómnibus vobis dicit Márius Galgano audiéntibus sermónem Latínum. NOTÍTIA 1 Francíscus levi pulmónum inflammatióne est corréptus. Relátor Matthǽus Bruni infírmam valetúdinem paulátim in mélius verti confirmávit, sed médici a Pontífice quaesivérunt ut in Dubáiam iter delerétur, quod erat susceptúrus ut Cop duodetrigínta interésset. Refert Olga Sakun. Postulántibus médicis, “ex magna aegritúdine” Francíscus Papa in Dubáiam iter delévit, quod a die primo ad diem tértium mensis Decémbris factúrus erat, ut Cop duodetrigínta, ut aiunt,  interésset. Quod consílium captum est propter Pontíficis valetúdinem, cuius pulmónes inflammántur, sicut per Tac, ut compendiátis verbis appéllant, detéctum est. Francíscus Papa interésse debébat magni pónderis congréssui de caeli statu, in quo locutúrus erat Satúrni die áltero. Subsequénti die tértio domínico inauguratúrus erat Faith Pavillon, id est Fídei Tabern&aacut