Vatican Radio News in Latin 01.04.2023

Deutsche Übersetzung, siehe unten!                                           “HEBDOMADA PAPAE”                                 Notitiae Vaticanae Latine redditae                                                 I aprile 2023 (TITULI) Papa Francíscus recéptus est in Nosocomío Gemelli propter contagiónem pulmónum; clínico autem conspéctus est melioratiónis. In Salutatióne Angélica et Audiéntia Generáli Papa mentem suam in sollicitúdines mundi convértit. Sancta Sedes bona primária misit in Ucraínam et Túrciam. Salútem plúrimam ex imo corde vobis dicit Eugénius Murrali, qui ad audiéndos revenístis núntios Latína língua prolátos. (NOTITIAE) Féria quarta praetérita, Papa Francíscus recéptus est in Nosocomío Gemelli ad exsequéndas inspectiónes quasdem, unde contágio pulmónum emícuit. Áliqui praevidéntur dies curae atque quiétis. Refert Alexánder De Carolis: «Sanctus Pater Papa Francíscus bene noctúrno témpore quiévit. Clínicus conspéctus gradátim próficis, dum prosequúntur curae praescríptae»: sic f&e