Ùi 太空站看火箭發射 ft. 蔡老師 (20210401)

<p>Ùi 太空站看火箭發射 <br />https://apod.tw/daily/20210401/ <br /> <br />你敢捌 tī 太空看過火箭發射？咱會使 ùi 這个縮時攝影影片 斟酌來 kā 看。這是 ùi 國際太空站 面頂看著 ê 景色，有一台火箭飛到地球軌道 ê <br />懸度。這台 露西亞 ê Soyuz-FG 火箭，是 tī 2018 年 11 月 ê 時陣，ùi 哈薩克 ê Baikonur 太空發射中心 發射 ê。伊送一台 <br />Progress MS-10 模組（嘛號做 71P）去-lih，內底是欲予國際太空站用 ê 物資。這个 90 秒鐘 ê 影片 內底（ùi 15 分鐘濃縮來 <br />ê），倒爿下跤 看會著城市 ê 光 kah 地球看會著 ê 雲。嘛看會著大氣層內底，藍色 氣輝層 kah 金色 氣輝層，to̍h 迒 tī 這支影片 ê <br />對角方向。正爿頂懸，tī 地球後壁，閣有遠方 ê 天星。咱會當看著火箭 ê 下節 落轉來地球。頂節 ê 補給船，發射伊 ê 推進器，沓沓仔 倚近國際太空站。這間 <br />太空實驗室 to̍h 按呢，tī 2018 年 慶祝 in 成立 20 週年 矣。蹛 tī 踅地國際太空站 ê 太空人，愛進行足濟 ê 實用勤務 kah <br />科學實驗。這毋若會當擴展人類 ê 智識，嘛會當增加未來 tī 地球低層軌道 ê 商業應用。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影片提供：ISAA, NASA, Expedition 57 Crew (ISS) <br />資料處理：Riccardo Rossi (ISAA, AstronautiCAST) <br />音樂：Inspiring Adventure Cinematic Background by Maryna <br />聲優：蔡老師 <br />翻譯：An-Li Tsai (NCU) <br />原文：https://apod.nasa.gov/apod/ap210401.html <br /> <br/>Powered by <a href="https://firstory.me">Firstory Hosting</a></p>