天蠍座 ê 強化影像 ft. 阿錕 (20210616)

<p>天蠍座 ê 強化影像 <br />https://apod.tw/daily/20210616/ <br /> <br />若是 天蠍座 用目睭直接看 to̍h 遮爾媠，人類 to̍h 會 tùi 伊較有印象。天蠍座較有名 ê 部份是 tī 黃道 星座 彼幾粒較光 ê 恆星，毋閣 <br />in 較少去予人注意著。為著欲提著這款壯觀 ê 影像，愛有一台較好 ê kha-mé-lah，一个 有夠暗 ê 天色，kah 一寡複雜 ê <br />影像處理。這張數位強化影像顯示足濟 予人讚嘆 ê 特色。影像正爿 ê 對角線是咱 銀河系 盤面 ê 一部份。遐看會著有足光恆星 ê 大片雲，kah 有烏暗複雜 <br />塗粉 ê 搝長雲絲。影像倒爿坦徛 peh-升 ê 是塗粉烏帶，to̍h 叫做 烏溪。Tī 倒爿幾若个 較光 ê 恆星 是 天蠍座一部份 ê 頭殼 kah <br />跤爪，嘛包括彼粒較光 ê 恆星心宿二。經過 17 點鐘久 ê 感光了後，to̍h 變做目睭看會著 ê 足濟紅色 發射星雲，藍色 反射星雲，kah <br />烏暗雲絲矣。年中 ê 時陣，天蠍座 會 tī 南天日落了後出現，伊足好揣 ê。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Stefan Lenz <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210616.html <br /> <br/>Powered by <a href="https://firstory.me">Firstory Hosting</a></p>