天頂厚-tut-tut ê 極光 ft. 阿錕 (20210114)

天頂厚-tut-tut ê 極光 <br /> <br />佇 2017 年 6 月 25 úi 國際太空站面頂翕 ê 這張地球表面厚 tut-tut ê 青色極光，to̍h 親像佇墨西哥潤餅面頂抹一重青色 ê 莎莎醬仝款。軌道站 to̍h 佇極光 ê 面頂，差不多佇 400 公里（ 250 英里）懸 ê 所在。極光有真特別 ê 色水，這是分子佮原子佇極端海拔、低密度 ê 所在，去受著激發才發出 ê 光。主要是 úi 酸素原子 ê 發射線發出 ê 光。這个迷人 ê 光，佇較低海拔是青色 ê。毋閣，較懸 ê 紅色光帶出現佇太空站 ê 視野，實在是真罕得看著。這張相片有翕著欲經過澳洲東南角 ê 軌道站。佇相片 ê 正手爿、地平線 ê 面頂，閣有翕著大犬座，to̍h 是臘戶座 ê 大隻狗。大犬座 ê Alpha 星是天狼星，是地球附近上光 ê 恆星。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Jack Fischer, Expedition 52, NASA <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) https://apod.tw/daily/20210114/ <br />原文：https://apod.nasa.gov/apod/ap210114.html <br /> <br/>Powered by <a href="https://firstory.me">Firstory Hosting</a>