Tī 月球揣著 ê：可能 sī 地球上老 ê 石頭 ft. 高小糕 GaoXiaoGao (20210203)

<p>Tī 月球揣著 ê：可能 sī 地球上老 ê 石頭<br>https://apod.tw/daily/20210203/<br></p> <p>地球上老 ê 石頭，敢是 tī 月球面頂揣著 ê？這真有可能！這个故事 to̍h 愛 ùi 月球任務 阿波羅 14 號 講起。太空人 Alan Shepard tī Cone 石坑 揣著一粒大石頭，月球標本 14321 號。提轉來地球分析了後，煞發現伊面頂有一片，kah 其他月球揣著 ê 石頭比起來，閣較成 地球 ê 石頭。閣較予人掣一趒 ê 是，這片 最近予人定年 ê 結果，kā 測量 ê 精差 mā 算入去了後，知影伊已經有 四百萬 年 ê 年歲矣！比 tī 地球揣著 ê 其他石頭 閣較老。目前上主要 ê 假設是講，一粒 tī 古早時代 ê 彗星抑是 小行星去挵著地球 ê 時陣，kā 噴出來 ê 石頭擲入去太陽系內底。有一寡石頭 to̍h 落 lŏe 月球，kā 月球 ê 塗 kah 石頭趁燒 ê 時陣，熔做一球。冷卻了後，才閣碎去。這个影片 sī 月球標本 14321 號 ê 內部 X 光 掃描。看會著幾若 ê 部份有無仝款 ê 化學反應。月球 ê 石頭 會當 予咱知影 月球、地球、kah 太陽系早期 閣較完整 ê 歷史。這禮拜五（2月初 5）to̍h 是 阿波羅 14 號 登陸月球 ê 五十週年 矣！<br><br>———&nbsp;</p> <p>這是 NASA Astronomy Picture of the Day ê 台語文 podcast&nbsp;</p> <p>原文版：https://apod.nasa.gov/</p> <p>台文版：https://apod.tw/</p> <p></p> <p>今仔日 ê 文章：</p> <p>影像：NASA, Astromaterials 3D, Erika Blumenfeld et al.</p> <p>音樂：高小糕 GaoXiaoGao</p> <p>聲優：高小糕 GaoXiaoGao</p> <p>錄音：玉成戲院錄音室 <br>混音：Andy Baker</p> <p>翻譯：An-Li Tsai (NCU)</p> <p>原文：https://apod.nasa.gov/apod/ap210203.html</p> <br /> <br/>Powered by <a href="https://firstory.me">Firstory Hosting</a>