鵜鶘星雲 ê 紅 kah 藍 ft. DD (20210301)

<p>鵜鶘星雲 ê 紅 kah 藍 <br />https://apod.tw/daily/20210301/ <br /> <br />鵜鶘星雲沓沓仔 leh 改變。這規个星雲 ê 正式編號是 IC 5070。伊 kah 大 北美洲星雲，是去予 塗粉 滿滿是 ê 分子氣體 <br />分做兩爿。毋閣，鵜鶘星雲 特別趣味，因為伊是一个活動力足強 ê 區域，內底有 恆星形成 kah 一直 leh 演化 ê 氣體雲。這張相片 經過處理，現出兩款主要 <br />ê 色水，紅色 kah 藍色。紅色主要是 tī 星際間 ê 水素 ê 發射光。活動力較強 ê 少年恆星發出 ê 紫外光，沓沓仔 kā 星雲內底 ê <br />冷氣體變做燒氣體。Tī 兩種氣體 ê 交界 是 電離鋒面，to̍h tī 影相中央朱紅色 ê 所在。特別是內底閣有敢若 鰇魚鬚、密實 ê 冷氣體。Ùi <br />這馬開始幾若百萬年了後，這个星雲可能 to̍h 袂閣叫做 鵜鶘星雲 矣。等恆星 kah 氣體 ê 活動平衡 了後，一定會看起來無仝款。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：M. Petrasko, M. Evenden, U. Mishra (Insight Obs.) <br />音樂：PiSCO - 鼎鼎 <br />聲優：DD <br />翻譯：An-Li Tsai (NCU) <br />原文：https://apod.nasa.gov/apod/ap210301.html <br /> <br/>Powered by <a href="https://firstory.me">Firstory Hosting</a></p>