Tī 暗暝飛過地球（二） ft. 阿錕 (20210423)

<p>Tī 暗暝飛過地球（二） <br />https://apod.tw/daily/20210423/ <br /> <br />這是 tī 2017 年記錄 ê，是國際太空站用縮時攝影 kā 地球暗暝 ê 景色 編輯做這个影片。地球低軌道影像 ê fans 會當開始享受這个 tī 天頂 <br />蟯蟯趖 ê 青色 kah 紅色 ê 美麗極光。這个暗暝 ê 景色迒過北美洲 ê 西北爿到東南爿，ùi 墨西哥灣到 Florida 海岸。第二段影片是歐洲城市 ê <br />光線，迒過地中海，飛過非洲北爿光亮 ê 尼羅河。Ùi 軌道衛星面頂看著 ê，是暴雷發生 ê 時陣出現 ê，無穩定 ê 爍爁。面頂 ê 天星 to̍h ùi 地球 <br />ê 弓形地平線 peh--起來，ùi 地球暗淡 ê 大氣氣輝 透過來。當然，你這馬會當 tī 厝--lih 隨時看著 地球現此時 ê 活動矣。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影片：NASA, Gateway to Astronaut Photography, ISS Expedition 53 <br />音樂：The Low Seas (The 126ers) <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210423.html <br /> <br/>Powered by <a href="https://firstory.me">Firstory Hosting</a></p>