太空站、日珥、太陽 ft. 彪彪 (20210504)

<p>太空站、日珥、太陽 <br />https://apod.tw/daily/20210504/ <br /> <br />這毋是 太陽烏子啦！這是 國際太空站 (ISS) tī 太陽面頭前行過 ê 時陣去予翕著 ê。若是 太陽烏子，to̍h 會有一个較暗 ê 中央 本影 kah <br />一个較光 ê 半影，而且 袂有天龍號太空船停 tī 遐。毋閣，ISS 是一个足複雜多變 ê 機械。伊是 人類 歷史上上大 上複雜 ê <br />太空船之一。而且，太陽烏子踅 太陽，ISS 踅 地球。Tùi ISS 來講，ùi 太陽面頭前行過是一件真四常 ê 代誌。伊每 90 分鐘踅地球一輾。毋閣愛 ùi <br />一幅 大張圖 內底提著伊 ê 位置、時間、kah 設備 ê 資訊，較無簡單。這張影像 是 kā 三張影像敆做伙，三張攏 tī <br />仝一位、差不多仝一个時間翕--ê。第一張影像感光傷超過矣，煞翕著太陽面頂一寡足暗 ê 日珥。第二張影像感光無夠，煞翕著 太陽色球層 ê <br />複雜花逝。第三張影像是上困難翕著 ê，是翕著太空站 tī 無夠一秒鐘 ê 時間內底 行過 太陽面頭前。咱若是 斟酌來看 太空站 ê 外形，to̍h 會看著停 <br />tī 遐 ê 天龍號太空船。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Mehmet Ergün <br />音樂：PiSCO - 鼎鼎 <br />聲優：彪彪 <br />翻譯：An-Li Tsai (NCU) <br />原文：https://apod.nasa.gov/apod/ap210504.html <br /> <br/>Powered by <a href="https://firstory.me">Firstory Hosting</a></p>