去予風吹開 ê NGC 3199 ft. 彪彪 (20210506)

<p>去予風吹開 ê NGC 3199 <br />https://apod.tw/daily/20210506/ <br /> <br />NGC 3199 離咱有 12,000 光年遠，是一隻 tī 南天航行 ê 星座，龍骨座，內底發光 ê 宇宙雲。這个星雲 tī 狹頻假色影像 內底，有 75 <br />光年闊。雖然講這个深空影像差不多看會著規个完整 ê 氣波形體，毋閣伊看起來趨一爿，tī 面頂邊仔彼搭較光。Tī 中央是 Wolf-Rayet <br />星，伊是一个大質量、高溫、短命 ê 恆星，會產生足強 ê 恆星風。實際上，咱知影 Wolf-Rayet 星會製造有 足趣味外形 ê 星雲。這是因為伊有足強 ê <br />恆星風，會 kā 邊仔 ê 星際物質掃開。Tī 這个案例內底，這个足光 ê 雲邊可能是恆星犁過一个齊齊 ê 物質產生 ê 弓形衝擊，to̍h <br />親像是船行過水面仝款。毋閣 測量 ê 結果 顯示，這个恆星並無直接徙去到較光彼爿。所以上有可能 ê 解說是講，tī 恆星邊仔 ê 物質並無齊齊。實際上，去予風吹 <br />ê NGC 3199 較光彼爿，是一簇一簇、較密 ê。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Mike Selby and Roberto Colombari <br />音樂：PiSCO - 鼎鼎 <br />聲優：彪彪 <br />翻譯：An-Li Tsai (NCU) <br />原文：https://apod.nasa.gov/apod/ap210506.html <br /> <br/>Powered by <a href="https://firstory.me">Firstory Hosting</a></p>