鉛筆星雲 ê 超新星衝擊波 ft. 阿錕 (20210414)

<p>鉛筆星雲 ê 超新星衝擊波 <br />https://apod.tw/daily/20210414/ <br /> <br />這个超新星 ê 衝擊波用時速 50 萬公里緊 ê 速度 kā 星際空間掃予空。Tī 這張有清楚細節 ê 彩色組合圖 中央 kah 面頂有薄、光、閣有花樣 ê <br />雲絲。伊是 tī 宇宙中發光氣體真久長 ê 波痕，是側面向咱 ê。伊予編做 NGC 2736，伊搝長 ê 形體予伊得著這个足有名 ê 名，鉛筆星雲。這个 <br />鉛筆星雲 有 5 光年長，800 光年 遠。毋過這干焦是 Vela 超新星殘骸 ê 小小一部份。Vela 超新星殘骸本身 ê 直徑有 100 光年長。自恆星延展 <br />ê 屑仔雲 是 ùi 1 萬 1 千年前 爆炸 ê。上開始，這个 衝擊波 是用時速幾仔百萬年 ê 速度 leh 運動，了後才慢落來，kā 邊仔 ê <br />星際物質掃甲清清氣氣。Tī 這張狹頻 ê 闊幅 影像，紅色 kah 藍色分別表示 離子化 ê 水素 kah 酸素原子 ê 特徵發射光。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Greg Turgeon & Utkarsh Mishra <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210414.html <br /> <br/>Powered by <a href="https://firstory.me">Firstory Hosting</a></p>