NGC 602 kah 伊 ê 遠方 ft. 阿錕 (20210516)

<p>NGC 602 kah 伊 ê 遠方 <br />https://apod.tw/daily/20210516/ <br /> <br />這个雲看起來 to̍h 親像一粒蚵仔，遮 ê 恆星 mā 敢若真珠仝款，毋閣 in 看起來敢若較遠 ê 款。離咱 20 萬光年遠 ê 衛星星系 小麥哲倫星雲 ê <br />外沿附近，有一个 5 百萬歲 ê 少年 星團 NGC 602。NGC 602 tī 這張 予人讚嘆 ê 哈伯影像 內底，去予一寡會產生新恆星 ê 氣體 kah <br />塗粉箍 tī 內底。美妙 ê 雲嶺 kah 予輻射掃出來 ê 外形，應該是 NGC 602 內底 ê 大質量少年恆星發出 ê 足強能量 ê 輻射 kah <br />衝擊波，kā 塗粉 物質食去，引起星團中心 ê 恆星形成 運動，才閣湠出去 ê。用 小麥哲倫星雲 估計 ê 距離來推算，這張影像 差不多有 200 <br />光年闊。毋閣咱 mā 會當 tī 這个清楚 ê 彩色景色 內底，看著各種 美麗 ê 背景星系。遮 ê 背景星系 上無有幾若億光年遠，有 ê 是 比 NGC <br />602 閣較遠。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：NASA, ESA, and the Hubble Heritage Team (STScI/AURA) - ESA/Hubble <br />Collaboration <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210516.html <br /> <br/>Powered by <a href="https://firstory.me">Firstory Hosting</a></p>