NGC 3521： Tī 氣波內底 ê 星系 ft. 阿錕 (20210402)

<p>NGC 3521： Tī 氣波內底 ê 星系 <br />https://apod.tw/daily/20210402/ <br /> <br />華麗 ê 捲螺仔星系 NGC 3521 是一个 tī 獅仔座 方向，離咱干焦 3500 萬年遠 ê 星系。Tùi 地球 ê 夜空來講，NGC 3521 <br />是有較光，會使真簡單 to̍h 用細台望遠鏡揣著。毋閣伊煞定定去予業餘天文 ê 攝影落勾去。大部份 ê 人攏較愛翕獅仔座內底其他 ê 捲螺仔星系，像 M66 <br />kah M65。毋閣，這張宇宙畫像遮爾媠，實在真歹無 kā 注意著。這个星系有 5 萬光年闊，伊 ê 運動產生 特徵 ê 花樣。伊 ê <br />不規則捲螺仔手骨面頂，縖一條 lè-sù，面頂有塗粉、粉紅仔色 ê 恆星形成區、kah 少年 ê 藍色星團。值得注意 ê 是，這張深空影像嘛看會著 NGC <br />3521 tī 一个足大 ê 氣波殼內底。這个殼可能是潮汐殘骸，是去予衛星星系搝散 ê 恆星流。這个衛星星系，是 tī 足久以前 kah NGC 3521 <br />進行合併 ê。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：讓受 - Eric Benson，處理 - Dietmar Hager <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210402.html <br /> <br/>Powered by <a href="https://firstory.me">Firstory Hosting</a></p>