NGC 1316 ê 中央：星系相碰了後 ft. 阿錕 (20210126)

NGC 1316 ê 中央：星系相碰了後 <br /> <br />這个看起來遮爾奇怪 ê 星系，是按怎產生 ê？為著欲揣出像 NGC 1316 這款，內底 ê 恆星、氣體、塗粉 lóng 四界亂掖 ê 情形 sī 按怎發生 ê？天文學者 soah-lâi 變做偵探。檢查了後認為，NGC 1316 是一个足大 ê 長株圓星系。毋閣，毋知是按怎，伊嘛有 tī 捲螺仔星系內底才有 ê 塗粉烏帶。用哈伯太空望遠鏡翕 ê 影像 to̍h 看會著詳細情形。這會當 kā 這个遮爾大型 ê 交纏歷史，重新交代清楚。Tī 這幅深空 koh 闊幅 ê 影像，看會著相碰產生 ê 巨殼。毋閣，siāng 中央 ê 影像看會著 NGC 1316 內部幾个仔球形星團。有這款現象，to̍h 表示 tī 過去這幾十億年來，這个星系猶閣 kah 其他 ê 星系繼續 leh 相碰 ia̍h-sī 合併。Tī 這張影相 ū 足明顯 ê 塗粉烏瘤 kah 塗粉烏帶。這代表遮 siāng-bô 有一个捲螺仔星系去予食去矣。NGC 1316 to̍h 佇天爐座 ê 方向，有 5 萬光年闊，離咱有 6 千萬光年遠。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像提供：NASA, ESA, Hubble <br />影像處理佮版權：Daniel Nobre <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) https://apod.tw/daily/20210126/ <br />原文：https://apod.nasa.gov/apod/ap210126.html <br /> <br/>Powered by <a href="https://firstory.me">Firstory Hosting</a>