內海仔星雲 ê 南崖 ft. 阿錕 (20210515)

<p>內海仔星雲 ê 南崖 <br />https://apod.tw/daily/20210515/ <br /> <br />起起落落 ê 明亮山龍 kah 塗粉雲 to̍h 橫過這个 鄰近 ê 恆星形成區 M8 ê 特寫，嘛叫做 內海仔星雲。這張清楚 ê 假色組合影像是 ùi 8 <br />公尺大 ê Gemini 南爿望遠鏡 ê 狹頻可見光資料 kah 寬頻近紅外線資料來 ê。這規个景色有 20 <br />光年闊，有經過一个星雲區，有當時仔嘛叫做南崖。這張高解析度 ê 詳細影像 chhōa 咱探索這个有真濟新生恆星 ê 星協。In to̍h 藏 tī 明亮 ê <br />雲邊 kah HH 天體 ê 盡角。HH 天體 tī 恆星形成區內底足濟 ê。伊是少年恆星 tī 恆星形成 ê 過程中，kā 邊仔 ê 氣體塗粉雲 <br />加溫了後，發出 ê 一个能量足強 ê 噴流。這个宇宙內海仔離咱有 5000 光年遠，會使 tī 人馬座 kah 咱銀河系中心 ê 方向揣著。（若是想欲知這幅圖 <br />ê 位置 kah 比例，會使 來這爿看。這是 kā 南崖 ê 特寫影像 kah 較大區 ê 內海仔星雲 疊做伙 ê 影像。這張比例影像是 R. Barba' 做 <br />ê。） <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Julia I. Arias and Rodolfo H. Barba' (Dept. Fisica, Univ. de La Serena), <br />ICATE-CONICET, Gemini Observatory/AURA <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210515.html <br /> <br/>Powered by <a href="https://firstory.me">Firstory Hosting</a></p>