Miú-子搖擺是真 ê，毋過原因猶毋知 ft. 蔡老師 (20210413)

<p>Miú-子搖擺是真 ê，毋過原因猶毋知 <br />https://apod.tw/daily/20210413/ <br /> <br />基本粒子 會搖擺偌久？這个看起來叫是是無啥重要 ê 問題，煞 tī 2001 年 ùi 美國 New York ê Brookhaven 國家實驗室 <br />予你一个掣一趒 ê 答案。In 講， tī 物理界真捷用 ê 粒子物理標準模型，是無完整 ê。這个結果暗示，咱 ê 宇宙 應該是有閣較基本 ê <br />組成元件猶未去予人發現。尤其是 miú-子，伊是一款 kah 重 電子 sio-siâng ê 粒子。伊 tī 1999 年一个號做 g-減-2 ê <br />系列實驗量著相當大 ê 搖擺現象。Brookhaven ê 實驗結果，予全世界其他團隊想欲確定這个結果是真 ê。嘛予理論學家壓力，需要 in 來 <br />研究這个現象。上敏感 ê miú-子 搖擺實驗 tī Illinois ê Fermi 國家實驗室（Fermilab）進行，to̍h 是你看著 ê <br />這張相片。In tī 頂禮拜 ê 報告 kā 咱講，Brookhaven ê 結果是真 ê。而且 in 閣量著一寡奇怪 ê miú-子搖擺運動。搖擺率 tùi <br />一个號做 虛擬粒子 海來講較敏感。這个奇怪 ê 海四界攏是。這个 意外 ê 搖擺率 表示講，這个海內底 ê 虛擬粒子，是一款 kah 標準模型無仝 ê <br />粒子。另外，這嘛 可能表示，理論預測 ê 計算有缺陷。預測通常會用 超級電腦，而且足複雜 ê。未來 tī Fermilab g-減-2 實驗 ê 計算，會 <br />縮小精差。而且可能嘛會當 kā 咱量著 ê 宇宙 kah 咱理解 ê 宇宙 之間 ê 統計精差縮小。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像提供 kah 版權：Fermilab National Laboratory <br />攝影：Reidar Hahn <br />音樂：PiSCO - 鼎鼎 <br />聲優：蔡老師 <br />翻譯：An-Li Tsai (NCU) <br />原文：https://apod.nasa.gov/apod/ap210413.html <br /> <br/>Powered by <a href="https://firstory.me">Firstory Hosting</a></p>