冥王星 ê 地景 ft. Tsai-Wen Lin (20210115)

<p>冥王星 ê 地景 <br />https://apod.tw/daily/20210115/ <br /> <br />踮這个足細、足遠 ê 世界，這个有光有影、有雄偉 ê 山脈佮冰原 ê 地景，to̍h 一直湠到地平線上尾彼爿。這張相片是佇 2015 年 7 月 <br />14，新視野號太空船上倚近冥王星 ê 15 分鐘了後，越頭看冥王星 ê 時陣，úi 1 萬 8 千公里遠 ê 所在翕 ê。這个變化萬千、低角度、欲倚晨昏時陣 ê <br />景緻，看會著倒爿頭前這个 khâm-khâm-khia̍t-khia̍t ê Norgay 山。嘛看會著地平線彼爿 ê Hillary 山。這兩 ê <br />山去予正手爿彼个平平平 ê Sputnik 平原 分做兩爿。佇相片 ê 背景微微仔發光 ê 是 冥王星薄縭絲 ê 大氣層。遮有一个熟似 ê <br />奇怪現象，有氮冰佮乾冰 ê 冰地，閣有生到 3500 公尺（1 萬 1 千英尺）懸 ê 冰山。遮 ê 山佮地球頂懸彼寡 雄偉 ê 山脈 giōng <br />欲平懸。這張冥王星 ê 地景有 380 公里（230 英里）遐爾闊。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：NASA, Johns Hopkins Univ./APL, Southwest Research Institute <br />音樂：PiSCO - 鼎鼎 <br />聲優：Tsai-Wen Lin <br />翻譯：An-Li Tsai (NCU) <br />原文：https://apod.nasa.gov/apod/ap210115.html <br /> <br/>Powered by <a href="https://firstory.me">Firstory Hosting</a></p>