Mimas：有大隕石坑 ê 細粒衛星 ft. 蔡老師 (20210531)

<p>Mimas：有大隕石坑 ê 細粒衛星 <br />https://apod.tw/daily/20210531/ <br /> <br />毋管是 siáng kah Mimas 相碰，攏會 kā 伊挵甲 giōng 欲碎--去。這是 土星 一粒上細粒 ê 球形衛星面頂，其中一擺 上大相碰產生 ê <br />隕石坑。分析了後發現，若是閣較強一點仔 ê 相碰， to̍h 會 kā Mimas 規粒挵碎。這个大隕石坑是 tī 1789 年 tī Mimas 發現 <br />ê，叫做 Herschel，是用 William Herschel 爵士 ê 名號--ê。這粒有 130 公里闊 ê 隕石坑 to̍h tī 遮。低質量 ê <br />Mimas 產生 ê 表面重力，拄仔好強到有法度結做一粒 球形天體，嘛拄仔好弱到有法度產生這款大型 ê 表面結構。Mimas 大部份 ê 成份是水冰 kah <br />一寡岩石。所以講伊是一粒大粒 ê 垃圾雪球，實在是真鬥搭。這張影像是 Casiini 機器人太空船 tī 2010 年 踅土星 leh 行 ê 時陣，飛過 <br />Mimas 上近彼陣翕 ê。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：NASA, JPL-Caltech, Space Science Institute, Cassini <br />音樂：PiSCO - 鼎鼎 <br />聲優：蔡老師 <br />翻譯：An-Li Tsai (NCU) <br />原文：https://apod.nasa.gov/apod/ap210531.html <br /> <br/>Powered by <a href="https://firstory.me">Firstory Hosting</a></p>