M78 ê 闊幅相片 ft. Dolly (20210121)

M78 ê 闊幅相片 <br /> <br />佇肥 chut-chut ê 臘戶座內底，有足濟星際塗粉雲佮發光 ê 星雲。內底上光 ê 是 M78，to̍h 佇這幅彩色 ê 闊幅相片 ê 中央。這張相片有包著臘戶座皮帶 ê 北爿區域。佇 1500 光年遠 ê 所在，藍色 ê 反射星雲差不多有 5 光年遐爾闊。伊 ê 藍光，主要是塗粉反射高溫閣少年 ê 恆星來 ê 。反射星雲 NGC 2071 to̍h 佇 M78 ê 倒爿。Herbig-Haro 天體 ê 發射光斑，是恆星佇形成過程中，能量足強 ê 噴流噴出來 ê 物件。佮邊仔 ê 暗塗粉帶相比，實在是有夠光 ê 。這个長時間 ê 感光，予咱看會著這區較暗、反紅光 ê 水素氣體。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Wes Higgins <br />音樂：PiSCO - 鼎鼎 <br />聲優：Dolly <br />錄音：玉成戲院錄音室 <br />剪輯：阿錕 <br />翻譯：An-Li Tsai (NCU) https://apod.tw/daily/20210121/ <br />原文：https://apod.nasa.gov/apod/ap210121.html <br /> <br/>Powered by <a href="https://firstory.me">Firstory Hosting</a>