M66 ê 特寫 ft. Dolly (20210128)

M66 ê 特寫 <br />https://apod.tw/daily/20210128/ <br /> <br />大閣媠 ê 捲螺仔星系 M66 to̍h tī 差不多 35 百萬光年遠 ê 所在。這个美麗 ê 宇宙島差不多 ū 10 萬光年闊，kah 咱 ê 銀河 beh 平大。這張重新處理過 ê 哈伯太空望遠鏡 ê 特寫，是 tī 星系核 ê 所在，án-ne 差不多有 3 萬光年闊。這个星系盤 ùi 咱的視線方向看去，實在 sī 趨有夠大 ê 啦！Tī 這个遮爾光 ê 星系核附近，應該 to̍h sī 痟大質量烏洞 in 兜。星系核外沿 ê 暗塗粉帶 kah 少年 ê 藍色星團 tòe 捲螺仔手骨 ê 方向掃過。彼搭 to̍h sī 一點一點、閃閃爍爍、粉紅仔色 ê 恆星形成區。M66 嘛叫做 NGC 3627，伊是獅仔座三生仔 ê 三个星系內底，上光 ê 彼个。是因為引力交纏 chiah 敆做一組 ê。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像提供：NASA, ESA, Hubble <br />資料處理 & 版權：Leo Shatz <br />音樂：PiSCO - 鼎鼎 <br />聲優：Dolly <br />錄音：玉成戲院錄音室 <br />翻譯：An-Li Tsai (NCU) <br />原文：https://apod.nasa.gov/apod/ap210128.html <br /> <br/>Powered by <a href="https://firstory.me">Firstory Hosting</a>