M104：草帽仔星系 ft. 阿錕 (20210514)

<p>M104：草帽仔星系 <br />https://apod.tw/daily/20210514/ <br /> <br />M104 是一个華麗 ê 捲螺仔星系。伊有名是因為伊 giōng 欲完全 坦敧身 ê 形體縖一條足闊 ê 環，彼个環 to̍h 是會閘光 ê 塗粉帶。伊 ê <br />面模會當 ùi 內底彼个展延 ê 中央銀核內底 ê 恆星看出來。宇宙塗粉 帶成做一个闊邊 ê 草帽仔外形，才予這个星系提著這个較有名 ê <br />偏名，草帽仔星系。這張有名星系 ê 清楚光學影像是 ùi 地面望遠鏡影像資料來 ê。這改處理 ê 資料，有保存著足詳細 ê 狀況。這 tī 過去定定會因為 <br />M104 中央銀核傷強 ê 光，煞看袂著。草帽仔星系 mā 叫做 NGC 4594，伊 tī 規个光譜 攏看會著。而且伊 ê 中央 有一粒超大質量烏洞。M104 <br />ê 大細差不多有 5 萬光年闊，離咱有 2800 萬光年遠。伊 是室女座星系團南爿邊仔上大粒 ê 星系之一。是講，視場內底多彩明亮 ê 前景星是 ùi 咱 ê <br />銀河系來的。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Bray Falls <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210514.html <br /> <br/>Powered by <a href="https://firstory.me">Firstory Hosting</a></p>