捲螺仔星系 NGC 1350 ft. 阿錕 (20210212)

<p>捲螺仔星系 NGC 1350<br>https://apod.tw/daily/20210212/<br></p> <p>這个華麗 ê 宇宙島 to̍h tī 南天星座，天爐座 內底，離咱有 85 百萬光年遠。NGC 1350 絞絚 ê 捲螺仔手骨 內底，有少年 ê 藍光星團，看起來敢若欲絞 lŏe 星系中央彼个大閣光 ê 星系核。伊看起來 to̍h 親像是一粒宇宙眼。實際上，NGC 1350 差不多有 13 萬光年闊。比咱 ê 銀河閣小可仔大一點矣。Tùi 地球 ê 天文學家 來講，NGC 1350 可能是 天爐座星系團 ê 外沿星系。毋閣 ùi 推算出來 ê 距離來看，伊應該毋是星系團 ê 成員。當然，tī 望遠鏡視野內底，彼寡足清楚 ê 前景星，是咱 ê 捲螺仔星系（銀河）ê 成員星。<br><br>———&nbsp;</p> <p>這是 NASA Astronomy Picture of the Day ê 台語文 podcast&nbsp;</p> <p>原文版：https://apod.nasa.gov/&nbsp;</p> <p>台文版：https://apod.tw/&nbsp;&nbsp;</p> <p></p> <p>今仔日 ê 文章：</p> <p>影像：Mike Selby, Warren Keller</p> <p>音樂：PiSCO - 鼎鼎</p> <p>聲優：阿錕</p> <p>翻譯：An-Li Tsai (NCU)</p> <p>原文：https://apod.nasa.gov/apod/ap210114.html</p> <br /> <br/>Powered by <a href="https://firstory.me">Firstory Hosting</a>