醋山天頂 ê 火星 kah 畢宿星團 ft. 阿錕 (20210406)

<p>醋山天頂 ê 火星 kah 畢宿星團 <br />https://apod.tw/daily/20210406/ <br /> <br />Tī 這个 kng-liu-liu ê 山頭，敢干焦有這欉孤單 ê 樹仔爾爾？上開始可能會叫是是按呢，毋閣咱來 kā 看較遠 leh！遐有一个 足無閒 ê 宇宙 <br />等你來發現。實際上，咱代先會注意著 tī 樹仔倒爿彼粒 火星。這粒紅色行星，這馬是 NASA 毅力號探測車 ê 新厝。伊會當 tī 這個月 日頭落山 ê <br />時陣，tī 西爿 ê 地平線頂面看著。Tī 樹仔 ê 正爿是 畢宿星團。伊是一个足光 ê 星團，主要是由七粒藍色恆星組成 ê。這張相片 是 kā 幾若張無仝背景 <br />kah 前景 ê 相片疊做一張 ê。逐張攏是 tī 頂個月初，開幾若點鐘久 ê 時間，tī 加拿大 Nova Scotia 省 Milford ê 醋山 ê <br />仝一位翕 ê。彼當陣，火星行足慢 ê。一暝過一暝，伊 to̍h 行 tī 遙遠 ê 七姊妹仔星團 頭前。後擺火星欲像今年三月按呢，tī 天頂行倚到 <br />畢宿星團附近，to̍h 愛等到 2038 年 矣。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Kristine Richer <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210406.html <br /> <br/>Powered by <a href="https://firstory.me">Firstory Hosting</a></p>