參宿一 kah 火舌星雲 ft. 阿錕 (20210412)

<p>參宿一 kah 火舌星雲 <br />https://apod.tw/daily/20210412/ <br /> <br />是啥物 kā 火舌星雲照予光？Tī 獵戶 座 方向，離咱 1500 光年遠 ê 所在，有一个星雲。伊發出 ê 光 kah 塗粉 烏帶 tī 倒爿 to̍h <br />親像一葩燒滾滾 ê 火。毋閣，這葩火 足緊提著 酸素，並毋是產生這个發光 火舌 ê 原因。Tī 這幅圖上倒爿彼粒足光 ê 恆星，是 參宿一。伊是 獵戶座皮帶 <br />siōng 東爿 ê 恆星。Kah 參宿一無仝，火舌星雲發出高能 ê 光，kā 火舌 內底 ê 電子 ùi 這片水素雲 ê 氣體激發。若是 電子 kah 離子化 <br />ê 水素 重新複合，to̍h 會產生真濟 ê 色光。這張 火舌星雲 (NGC 2024）ê 影像是用三種 可見 光 帶 翕 ê。細節 ê 部份是 長時間 感光 <br />ê 影像，這是 ùi 水素發出 ê 光。火舌星雲 是 獵戶座分子雲複合體 ê 一部份。伊是一个恆星形成區，內底閣有彼个有名 ê 馬頭星雲。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Team ARO <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210412.html <br /> <br/>Powered by <a href="https://firstory.me">Firstory Hosting</a></p>