975. 星系團 Abell 370 kah 伊後壁 ê 天體 ft. 阿錕 (20230912)

<p>這張速翕是 Hubble 太空望遠鏡 翕--ê 40 億光年遠 ê 大質量星系團 Abell 370。這个星系團上顯目--ê 是 2 个巨型長株圓星系 kah 滿四界 ê 光弧。實際上，這寡較暗--ê、四散--ê 藍色光弧，kah 影像中央下底 kah 倒爿 彼寡 足明顯 ê 龍形光弧，攏是 Abell 370 後壁 ê 星系。In ê 距離是 2 倍遠。本來看袂著 ê 光，這馬是去予星系團內底 以 超大質量 ê 烏暗物質 主導 ê 重力 kā 加強、扭曲去。這款效應就叫做重力透鏡，會當提供線索，予咱會當 影--著 早期宇宙 ê 星系。這款扭曲 時空 ê 結果，就是 愛因斯坦 100 冬前預測 ê 重力 透鏡 效應。相片內底 ê 光針，是 銀河內底 ê 前景星。正爿下跤 tī 這寡恆星後壁--ê，是 Abell 370，就 tī 海怪星座，海翁座 ê 方向遐。伊是 Frontier Fields 計畫內底欲翕--ê 6 个星系團內底 上尾一个。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20230912/ <br />影像：NASA, ESA, Jennifer Lotz and the HFF Team (STScI) <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NSYSU) <br />原文：https://apod.nasa.gov/apod/ap230912.html</p> <br /> <br/>Powered by <a href="https://firstory.me">Firstory Hosting</a>