973. 美國 Wisconsin 州 天頂 ê 捲?雲 (捲軸雲) ft. 阿錕 (20230820)

<p>這是啥物雲？是 弧形雲 ê 其中一款雲，叫做 捲𩛩雲 (捲軸雲)。這款真罕得看著--ê 長雲，一般來講攏是出現 tī 冷鋒頭前。尤其是 向前推捒 ê 風暴 頭前若是有 下降氣流，就會造成較澹較燒熱 ê 空氣 peh 升，等伊溫度降到 露點 以下，就會堅做 雲。這个現象若是 tī 大範圍 綴 鋒面 出現，就有可能會形成 捲𩛩雲 (捲軸雲)。捲𩛩雲 (捲軸雲) 實際上可能真正有 空氣 綴 雲 ê 長水平軸 leh 踅。一般講來，科學家認為 捲𩛩雲 (捲軸雲) 袂變做 捲螺仔風。捲𩛩雲 (捲軸雲) kah 弧形雲 ê 另外一款雲，涼棚雲 (灘雲)，無仝。伊 kah 伊 ê 母雲 烏跤雲 (積雨雲) 是完全分開--ê。這張相片 是 2007 年 tī 美國 Wisconsin 州 Racine 市 翕--ê，彼陣有風暴欲來，捲𩛩雲 (捲軸雲) 就湠到足遠 ê 所在 去。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20230820/ <br />影像：Megan Hanrahan (Pierre cb), Wikipedia <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NSYSU) <br />原文：https://apod.nasa.gov/apod/ap230820.html</p> <br /> <br/>Powered by <a href="https://firstory.me">Firstory Hosting</a>