952. 開喙豆星雲 ft. 阿錕 (20230822)

<p>進前無人注意過這个星雲。一般講來，新發現 ê 星雲 ê 視寸尺會較細，而且攏是 專業天文學家 用大型天文望遠鏡 揣著--ê。毋過這个 開喙豆星雲 是 頂真 ê 業餘天文愛好者 揣著--ê。而且，這个星雲暗罔暗，是 kah 咱月娘 ê 視寸尺差不多平大。現代 ê 業餘天文愛好者 若是有細台天文望遠鏡，就會使 利用 tùi 天頂 進行長時間感光，提著比專業天文望遠鏡 閣較大區 ê 影像。按呢 in 毋但會當揣著 某一个天體四箍圍仔 猶毋捌揣著--ê 大片發射區，嘛會使揣著 過去完全毋捌揣著--ê 天體，親像 星雲。這張開喙豆星雲影像 ê 藍色是 酸素 發射線，紅色是 水素 發射線。咱這馬 tùi 中央彼粒高溫恆星 ê 性質 是 無蓋了解。毋過伊若是一粒 白矮星，這个星雲就有可能去 hŏng 標做 行星形星雲。這張相片 是 7 月初 ê 時陣 tī Namibia 共和國 暗暝 開超過 70 點鐘 ê 感光時間 翕出來 ê 合成影像。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20230822/ <br />影像：Bray Falls &amp; Chester Hall-Fernandez <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap230822.html</p> <br /> <br/>Powered by <a href="https://firstory.me">Firstory Hosting</a>