951. 月船三號發射，欲去月球 ft. 阿綠 (20230719)

<p>鳥仔 袂飛遮爾懸。飛龍機 嘛袂飛遮爾緊。自由女神 ê 雕像無遐爾重。除了 人類 以外，無任何 物種 會當了解這馬是 發生啥物代誌，連 1000 年前 ê 人類 嘛無法度。發射欲去太空 ê 火箭，是一件大代誌，會 引起人類 tùi 宇宙 ê 尊敬、挑戰人類描述這件代誌 ê 能力。這張相片是頂禮拜翕--ê。是印度太空研究組織 ê LVM3 火箭 ùi 印度 Sriharikota 島 ê Satish Dhawan 太空中心 發射 ê 情形。Ùi 停咧 開始，這台 60 萬公斤重 ê 火箭，kā 仝款嘛足重 ê 月船三號 捒出地球。月船三號 ê 任務&nbsp;按算欲 tī 8 月底到月球，而且會留一台 機器人探測車 tī 月球南極 遐。欲去太空 ê 火箭，這馬 幾若工 就 ùi 地球某一个所在 發射。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20230719/ <br />影像：Sruthi Suresh (Space Group) <br />音樂：P!SCO - 鼎鼎 <br />聲優：阿綠 <br />翻譯：An-Li Tsai (NCU) <br />原文：https://apod.nasa.gov/apod/ap230719.html</p> <br /> <br/>Powered by <a href="https://firstory.me">Firstory Hosting</a>