948. Arp 93：宇宙級 ê 攬牢牢 ft. 阿錕 (20230816)

<p>這張清楚 ê 望遠鏡視野中央有兩个大型星系合併，產生這款 宇宙級 ê 攬牢牢。這組交互作用系統 去 hŏng 編做 Arp 93，伊就 tī 寶瓶座 方向 2 億光年遠 ê 所在。這兩粒星系分別是 NGC 7285 (正爿彼个) kah NGC 7284 (倒爿彼个)。兩粒光爍爍 ê 星系核 距離猶差 2 萬光年，毋過 in 之間 因為 引力交互作用 產生 ê 大片 潮汐流，是伸 tùi 影像下底 20 萬光年遠 ê 所在去。交互作用星系看起來攏 足特別--ê，毋過咱這馬已經知影 in tī 宇宙內底其實是足四常 ê 天體。實際上，咱兜附近嘛有。大型捲螺仔星系 仙女座星系，就當 leh 倚近咱 ê 銀河。Arp 93 真有可能就是 咱 kah 仙女座星系 tī 未來 變做 宇宙級攬牢牢 ê 結果。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20230816/ <br />影像：Mike Selby, Observatorio El Sauce <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap230816.html</p> <br /> <br/>Powered by <a href="https://firstory.me">Firstory Hosting</a>