922. 鴟鴞星雲 kah 發出 X 光 ê 高溫恆星 ft. 阿錕 (20230725)

<p>這个有名 ê 鴟鴞星雲 內底 ê 恆星柱 tī X 光波段看起來會是按怎？為著欲揣著答案，NASA ê Chandra X 光衛星天文台 就斟酌 leh 看這个有恆星形成 ê 星際雲山。結果發現，M16 內底 ê 塗粉柱 本身袂發出傷強 ê X 光，毋過有足濟 細罔細 煞蓋光 ê X 光發射源，變甲足明顯--ê。這寡發射源就是 這張影像 內底 ê 光點。這張影像是 Chandra（X 光）、XMM（X 光）、JWST （紅外線）、Spitzer（紅外線）、Hubble（可見光）、kah VLT（可見光）天文台影像資料 ê 合成相片。啥物 恆星 會製造這寡 X 光，到今猶是一个 研究主題。有一个假說是認為 in 是 高溫、新形成、低質量 ê 恆星，另外一个假說認為 in 是高溫、較老、懸質量 ê 恆星。這寡會發出 X 光 ê 高溫恆星 tī 這幅圖內底是四界攏是。進前 tī 可見光 看著 ê，去 hŏng 揣著 ê 蒸發氣體球 (EGGS)，目前 ê 溫度就無夠懸，無法度發出 X 光。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20230725/ <br />X-光影像: Chandra: NASA/CXC/SAO, XMM: ESA/XMM-Newton <br />紅外線影像：JWST: NASA/ESA/CSA/STScI, Spitzer: NASA/JPL/CalTech <br />可見光影像：Hubble: NASA/ESA/STScI, ESO <br />影像處理：L. Frattare, J. Major, N. Wolk, kah K. Arcand <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap230725.html</p> <br /> <br/>Powered by <a href="https://firstory.me">Firstory Hosting</a>