916. 捲螺仔星系 NGC 1398 ê 星系環 kah 星系棍仔 ft. 阿錕 (20230712)

<p>是按怎有一寡捲螺仔星系 ê 中央有環？捲螺仔星系 NGC 1398 ê 中心，有一輾恆星、氣體、塗粉 組成 ê 環，有一支 恆星 kah 氣體組成、迒過星系中心 ê 星系棍仔，閣有較倚外口、有花樣 ê 捲螺仔手骨。這張 tī 智利 El Sauce 天文台 翕 ê 深空影像，有翕著這个大型捲螺仔星系足清楚 ê 細節。NGC 1398 tī 6500 萬 光年 遠 ê 所在，意思是講，光離開這个星系 ê 時陣，差不多是 地球 ê 恐龍消失彼陣。這个 美麗 ê 星系，只要用細台天文望遠鏡 向 天爐座方向就看會著。中心附近 ê 環 應該是恆星形成過程中，密度波 變較闊 ê 結果。會按呢可能是伊 kah 其他星系 ê 引力 互相影響，抑是星系家己 重力無平衡 造成--ê。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20230712/ <br />影像：Mark Hanson <br />資料：Mike Selby <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap230712.html</p> <br /> <br/>Powered by <a href="https://firstory.me">Firstory Hosting</a>