906. 煙火 kah 超級月娘 ft. 阿錕 (20230706)

<p>7 月 4 號彼工，地球 暗暝 ê 天頂 有一粒 欲倚月圓 ê 月娘 peh 起來。7 月 ê 月圓嘛叫做 雄鹿月，上圓 ê 時間點是 tī 世界協調時間 7 月 3 號 11:39。月球差不多 一個月踅地球一輾，這工月球會行到近地點，就是 kah 地球上倚彼位。這會予今年 7 月 ê 月圓 成做 超級月娘，嘛是 2023 年 4 擺超級月娘 ê 頭一擺。這个景色是 tī 7 月 4 號 ùi Florida 州 太空海岸 ê Cocoa 海邊仔看出去--ê。就算月圓時 ê 月娘是遮爾大、遮爾光、遮爾媠，伊猶原毋是上出色--ê。除了 7 月 ê 超級月出以外，猶閣有超級出色 ê 煙火表演。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20230706/ <br />影像：Michael Seeley <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap230706.html</p> <br /> <br/>Powered by <a href="https://firstory.me">Firstory Hosting</a>