867. Kah 月掩木星 排做一逝 ê 天文台 ft. 阿綠 (20230524)

<p>有當時仔咱會看著 月娘 ùi 咱 太陽系 內底其中一粒行星面頭前趨過，這就叫做掩星。發生 tī 這個月初 ê 掩星現象，閘 ê 就是木星。這張相片 就是 木星 去予月娘閘牢了後，重新 ùi 月娘 後壁 出現 ê 時陣翕--ê。這陣月娘 ê 月相已經來到 下月眉，閣 2 工就欲 初一 矣。咱 ê 月娘 總是有一半去予日頭照著，毋過等到下月眉 ê 時陣，咱 tī 地球 看，嘛干焦看會著彼半爿月娘 ê 一部份爾爾。Tī 這張相片內底，月娘就排 tī 美國 加州 Hamilton 山頂 彼个有名 ê Lick 天文台 後壁。是講誠拄好，Lick 天文台 是發現木星 ê 衛星 木衛五 Amalthea ê 所在，是 Galileo 觀測著 木星四大衛星了後，上尾一粒用目睭揣著 ê 衛星。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20230524/ <br />影像來源 kah 版權：Rick Whitacre <br />文稿：Natalia Lewandowska (SUNY Oswego) <br />音樂：P!SCO - 鼎鼎 <br />聲優：阿綠 <br />翻譯：An-Li Tsai (NCU) <br />原文：https://apod.nasa.gov/apod/ap230524.html</p> <br /> <br/>Powered by <a href="https://firstory.me">Firstory Hosting</a>