821. 逃走 ê 恆星 鹿豹座 α ft. 阿綠 (20230428)

<p>逃走 ê 恆星 鹿豹座 α 就親像是一隻船行過宇宙海，tī 天頂製造出這款優美弧 ê 弓形波湧 抑是 弓形震波。大質量 ê 超巨星 tī 天頂徙動 ê 速度，一秒鐘是超過 60 公里，結果就會 kā 伊行過 ê 路頂懸 ê 星際物質 櫼櫼做伙。鹿豹座 α 差不多 tī 影像 中央 6 度闊 ê 範圍。Kah 咱太陽相比，伊 ê 質量是 25 - 30 倍大，溫度是 5 倍燒 (3 萬 K)，光度是 50 萬倍光。這粒 tī 4000 光年遠、長頷頸星座 鹿豹座 方向 ê 恆星，仝款會製造足強 ê 恆星風。鹿豹座 α ê 弓形震波 kah 伊中心恆星 ê 距離 是差 10 光年遠。是講，到底是啥物咧驅動這粒 恆星 ê 運動？天文學家長期以來攏認為講，鹿豹座 α 可能是 附近星團內底 ê 高溫少年恆星 kah 星團內底其他成員 產生重力交互作用，去予擲出來--ê 星。嘛有可能是，伊 ê 大質量恆星 星伴，演化做超新星爆炸 ê 時陣，kā 伊擲出來--ê。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20230428/ <br />影像：André Vilhena <br />音樂：P!SCO - 鼎鼎 <br />聲優：阿綠 <br />翻譯：An-Li Tsai (NCU) <br />原文：https://apod.nasa.gov/apod/ap230428.html</p> <br /> <br/>Powered by <a href="https://firstory.me">Firstory Hosting</a>