802. 2023 CX1 流星爍 ft. 蔡老師 (20230217)

<p>匈牙利天文學家 <a href="https://en.wikipedia.org/wiki/Kriszti%C3%A1n_S%C3%A1rneczky" target="_blank">Krisztián Sárneczky</a><a href="https://twitter.com/sarneczky/status/1625125629279588353" target="_blank">對天頂搜揣</a> 近地天體 ê 時陣，tī 2023 年 2 月 12 世界時 UTC 20:18:07 ê 時陣，頭一擺翕著這粒這馬 <a href="https://minorplanetcenter.net/db_search/show_object?utf8=%E2%9C%93&amp;object_id=2023+cx1" target="_blank">編做 2023 CX1</a>，大細差不多一公尺左右 ê 太空石頭。 這張差不多是 伊欲挵著地球大氣層 ê 7 點鐘前翕–ê。 科學家預測伊挵地球 ê 路線，對流星觀測家來講是一个足罕得看著 ê 機會。 這个臨時決定 ê 攝影計畫，是 tī 荷蘭翕–ê，結果就翕出 <a href="https://www.instagram.com/p/ComLk_DMtTl/" target="_blank">這張壯觀 ê 火流星影像</a>。 落尾這粒編做 2023 CX1 ê 太空石頭，tī 法國北部天頂 <a href="https://en.wikipedia.org/wiki/2023_CX1" target="_blank">蒸發</a>、碎–去。 愛注意 ê 是，這是 Sárneczky 第二擺揣著 這款欲挵地球 ê 小行星。 是講，太空石頭 2023 CX1 是第七粒 科學家 tī 伊挵著地球 進前就揣著 ê 小行星。 這嘛是 <a href="https://earthsky.org/space/small-asteroid-impact-near-france-english-channel/" target="_blank">最近有 tī 地表揣著隕石</a> ê 第三粒天體。 這粒火流星 kah 進前彼个歹名聲 ê <a href="https://apod.nasa.gov/apod/ap130223.html" target="_blank">Chelyabinsk 流星爍</a>，時間上是 <a href="https://blogs.nasa.gov/planetarydefense/2023/02/15/remembering-the-chelyabinsk-impact-10-years-ago-and-looking-to-the-future/" target="_blank">差欲 10 冬</a>。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20230217/ <br />影像：Gijs de Reijke <br />音樂：P!SCO - 鼎鼎 <br />聲優：蔡老師 <br />翻譯：An-Li Tsai (NCU) <br />原文：https://apod.nasa.gov/apod/ap230217.html</p> <br /> <br/>Powered by <a href="https://firstory.me">Firstory Hosting</a>