797. 捲螺仔星系 NGC 2841 ft. 阿錕 (20230323)

<p>咱會當 tī 北天 ê 大熊座 方向揣著捲螺仔星系 NGC 2841，伊是 夜空 中算袂䆀揣 ê 天體，離咱才 4600 萬光年遠爾爾。這張 清楚相片中央 有一个華麗 ê 島宇宙。前景 ê 光針，其實是銀河系內底 ê 恆星，kah 背景遙遠 ê 星系，做伙出現 tī 仝一个望遠鏡景色內底。NGC 2841 有一个光 iàⁿ-iàⁿ ê 星系核，坦敧 ê 星系盤，kah 暗淡 ê 外部區域。星系內底 花貓貓、踅 絚絚 ê 捲螺仔手骨 頂懸，有塗粉帶、較細區 ê 恆星形成區、kah 少年星團。相對來講，大部份其他捲螺仔星系 ê 捲螺仔手骨攏較闊、較散，嘛有較大區 ê 恆星形成區。NGC 2841 ê 直徑超過 15 萬 光年，比咱銀河系閣較大。X 光影像 表示講，巨星 ê 大尺度噴流 kah 恆星爆炸產生 ê 高溫氣體雲煙，會湠到 NGC 2841 ê 星系暈去。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20230323/ <br />影像：Roberto Marinoni <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap230323.html</p> <br /> <br/>Powered by <a href="https://firstory.me">Firstory Hosting</a>