789. W5：靈魂星雲 ft. 草莓大福 (20230314)

<p>Aethopia 女王 ê 靈魂內底當咧形成恆星。講較詳細咧，咱會當 tī 仙后座 方向揣著一个叫做 靈魂星雲 ê 大型恆星形成區。遮講--著 ê 仙后是希臘神話內底，tī 古早時代統治 尼羅河水頭 地區 ê 國王 in 兜彼个虛華 ê 某。靈魂星雲 嘛叫做 Westerhout 5 (W5)，伊內底有幾若个開放 星團、去予宇宙 塗粉 閘暗--去 ê 雲脊 kah 雲柱、kah 少年大質量 恆星 ê 恆星風 吹--出來 ê 大型氣泡。靈魂星雲 就 tī 6500 光年 遠 ê 所在，大細差不多有 100 光年闊，定定 kah 伊 ê 厝邊 天體 心臟星雲 (IC 1805) 做伙翕。這張影像 是無仝色光感光 ê 合成影像：紅色是 水素 氣體 ê 發射光、黃色是 硫磺 氣體 ê 發射光、藍色是 酸素 氣體 ê 發射光。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20230314/ <br />影像：José Jiménez (Astromet) <br />音樂：P!SCO - 鼎鼎 <br />聲優：草莓大福 <br />翻譯：An-Li Tsai (NCU) <br />原文：https://apod.nasa.gov/apod/ap230314.html</p> <br /> <br/>Powered by <a href="https://firstory.me">Firstory Hosting</a>