787. 人造夜光 ft. 阿錕 (20230308)

<p>暗淡 ê 恆星是攏走 tùi 佗位去矣？Tī 地球 足濟所在，包括大城市，已經是看袂著夜空內 幾若千粒恆星 ê 迷人景色 矣。這馬干焦看會著霧霧 ê 光 kah 一寡恆星爾爾。這張地圖 是標示 地球表面 ê 相對 光害強度。造成光害 ê 原因是人造光反射大氣內底 ê 分子 kah 煙霧質。咱來看一寡例，親像講，美國 東岸 kah 歐洲 西岸 有一寡所在標--ê 色是紅色--ê。這寡 人造光 tī 暗暝照--出來 ê 光，是天頂自然光 ê 10 倍以上。圖內底若是標做柑仔色抑是紅色 ê 所在，遐 ê 人就 看袂著 咱銀河系 ê 中央帶。所以 國際暗空協會 建議咱使用 較袂產生遐爾強 光害 ê 固定式通用照光設備。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20230308/ <br />影像資料：JPSS Satellites <br />影像處理：David J. Lorenz <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap230308.html</p> <br /> <br/>Powered by <a href="https://firstory.me">Firstory Hosting</a>