748. 阿波羅 16 號 翕 ê 月球全景圖 ft. 阿綠 (20220421)

<p>50 冬前 ê 1972 年 4 月 20，阿波羅 16 號 ê 登月小艇 獵戶座 登陸 tī 月球倚咱這爿 ê 中南部 ê Descartes 高地。太空人 Ken Mattingly tī 貼心 ê 指揮服務船 Casper 面頂踅月球咧行 ê 時陣，獵戶座 共 John Young 佮 Charles Duke chhōa 到 月球表面。In 兩个會 tī 月球面頂 3 工 左右。這是 kā 幾若張相片 (編號 AS16-117-18814 到 AS16-117-18820) 組合起來 ê 全景圖，是 tī 第三擺、嘛是上尾擺 tī 月球表面探索 ê 時陣 翕 ê。倒爿遠方彼台 to̍h 是登月小艇。頭前彼台是 電子登月探測車。Duke 當咧操作 kha-mé-lah，Young 當咧 kā 高增益通訊天線 撨 tùi 天頂 地球 ê 方向。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20220421/ <br />影像來源：Apollo 16, NASA <br />全景圖組合：Mike Constantine <br />音樂：P!SCO - 鼎鼎 <br />聲優：阿綠 <br />翻譯：An-Li Tsai (NCU) <br />原文：https://apod.nasa.gov/apod/ap220421.html</p> <br /> <br/>Powered by <a href="https://firstory.me">Firstory Hosting</a>