742. 玫瑰星雲 ê 中心 ft. 阿錕 (20230206)

<p>玫瑰星雲 ê 中心有一个足光 ê 星團 NGC 2244，kā 這个星雲照甲遮爾光。NGC 2244 ê 恆星 sī ùi 週邊氣體 誕生--ê，in 才幾若百萬歲爾爾。這張相片 sī 1 月中 用 多重感光 ê 方式，kā 中央區一寡特別元素發出 ê 光 疊出來--ê。紅色 sī 硫磺，青色 sī 水素，藍色 sī 酸素。按呢才看會著詳細 ê 細節。星 團內底吹出來 ê 高溫粒子 風，沓沓仔 kā 本底足 複雜 氣體 塗烌 絲 ê 星團中心 歕出一空。玫瑰星雲 中心 ê 部份差不多有 50 光年 闊，離咱有 5200 光年遠。咱會當用雙筒千里鏡，tī 釘仔馬 ê 星座，麒麟座 遐揣著伊。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20230206/ <br />影像：Lyman Insley <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap230206.html</p> <br /> <br/>Powered by <a href="https://firstory.me">Firstory Hosting</a>