730. 星系相戰：M81 kah M82 ft. 阿錕 (20230120)

<p>相片中央彼兩个星系是 tī 北天 ê 大熊座遐。毋過實際上 in 是離足遠--ê，有 1200 萬光年遐爾遠。正爿彼个有大支捲螺仔手骨、黃色星系核 ê 捲螺仔星系是 M81。伊嘛叫做 Bode 星系，有 10 萬光年遐爾大。倒爿彼个大管薰外形 ê 不規則星系是 M82。過去這十億年來，這對星系 ê 引力一直 leh 相戰。Tī 宇宙內底，星系互相接近 ê 連紲過程中，每一个星系 ê 引力 會一直影響著另外一个星系。In 上尾一擺互踅持續 1 億年矣。真有可能是因為按呢去加強 M81 ê 密度波，造成 M81 ê 捲螺仔手骨變較大支。M82 有足活潑 ê 恆星形成區，而且相挵 ê 氣體雲會產生足強 ê 能量，所以這个星系會 發出 X-光。閣紲落來幾若百萬年，兩个星系 ê 引力會繼續相搝，落尾會合併做 一个星系。這个系外星系 ê 景色嘛包括其他 kah M81 有交互作用 ê 成員。有 倒爿下跤 ê 大捲螺仔星系 NGC 3077，kah 正爿頂懸 ê NGC 2976。這幅闊幅相片是 tī 奧地利 Alps 山 ê 夜空翕--ê。相片 ê 前景攏是累積光通量 ê 星雲。這寡暗暗 沙沙 ê 星際雲，是反射咱銀河盤頂懸 ê 恆星光造成--ê。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20230120/ <br />影像：Andreas Aufschnaiter <br />音樂：高小糕 GaoXiaoGao <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap230120.html</p> <br /> <br/>Powered by <a href="https://firstory.me">Firstory Hosting</a>