705. 馬頭星雲 kah 火舌星雲 ft. 阿錕 (20221229)

<p>馬頭星雲，嘛叫做 Barnard 33，是夜空中足出名 ê 烏暗標誌。Tī 這張清楚 ê 宇宙天景 內底，kah 背景 leh 發光 ê 發射星雲相比，就會看著伊破一空。馬頭星雲 差不多有 5 光年懸，伊離咱有 1500 光年遠，就 tī 獵戶座 ê 方向。Tī 這个足 gâu 生 ê 分子雲複合體內底，會 kā 閘光 ê 塗粉看做馬頭，攏是因為咱 ùi 銀河看過去才會按呢。獵戶座皮帶上東爿彼粒上光 ê 星是參宿一，就 tī 相片中央倒爿遐。參宿一 發出 ê 高能紫外光，kā 伊下底彼个厚塗粉 ê 火舌星雲 NGC 2024，照甲足光--ê。若是欲對宇宙有較完整 ê 了解，就愛知影 tī 馬頭星雲下跤彼个藍色--ê，是 反射星雲 NGC 2023。這張望遠鏡相片 ê 取景袂䆀，按呢 tī 天頂差不多有 3 粒月娘遐爾闊。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20221229/ <br />影像：Jason Close <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap221229.html</p> <br /> <br/>Powered by <a href="https://firstory.me">Firstory Hosting</a>