700. Messier 88 ft. 草莓大福 (20221228)

<p>Charles Messier tī 伊 18 世紀編 ê 星雲星團 總表內底，kā 第 88 个天體當做是無恆星 ê 捲螺仔星雲。是講咱 這馬已經知影 這个 華麗 ê M88 是一个內底攏是恆星、氣體、塗粉 ê 星系，kah 咱 ê 銀河無啥物無仝。實際上，M88 是 室女座星系團 上光 ê 星系，離 咱有 5000 萬光年遠。咱會當 ùi 這張 清楚 ê 宇宙肖像 內底，真簡單就揣著 M88 美麗 ê 捲螺仔手骨。捲螺仔手骨 面頂有 少年 ê 藍色 星團、粉紅仔色 ê 恆星形成區、kah 閘光 ê 塗粉帶。這寡塗粉帶是 ùi 黃色 ê 星系核延伸出來--ê，遐主要 ê 成員是較老 ê 恆星。捲螺仔星系 M88 ê 大細有 10 萬光年闊。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20221228/ <br />影像：Adam Block, Mt. Lemmon SkyCenter, U. Arizona <br />音樂：P!SCO - 鼎鼎 <br />聲優：草莓大福 <br />翻譯：An-Li Tsai (NCU) <br />原文：https://apod.nasa.gov/apod/ap221228.html</p> <br /> <br/>Powered by <a href="https://firstory.me">Firstory Hosting</a>