683. 昴宿星團：七姊妹仔星團 ft. 阿錕 (20221205)

<p>你敢捌看過七姊妹仔星團？就算你捌看過，你可能嘛毋捌看過像這个遮爾大閣清楚--ê。這个遮爾光 ê 昴宿星團，應該是天頂上有名 ê 星團。就算是佇 光害足嚴重 ê 城市，咱嘛會當直接用目睭看著。咱若有法度佇 暗-bin-bong ê 所在做長時間 ê 感光，箍佇昴宿星團邊仔 ê 塗粉雲就會變做足明顯--ê。這張是佇澳洲 ê Siding Spring 天文台，開 11 點鐘 ê 感光時間翕--ê。相片翕著 ê 天區，有幾若粒月娘遐爾闊。昴宿星團嘛叫做七姊妹仔星團抑是 M45，離咱有 400 光年 遠，就佇 金牛座 遐。一个 較普遍接受 ê 現代觀點 是講，星團號名了後，這寡較光 ê 恆星 ê 其中一粒就變暗去矣，所以就賰 六姊妹仔 是咱猶有法度用目睭直接看著--ê。實際上 昴宿星團 內底看會著 ê 恆星數量，有可能較濟嘛有可能較少，愛看彼工 ê 天色是 偌暗、觀測者 ê 目睭有 偌好。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20221205/ <br />影像：Blake Estes (iTelescope Siding Spring Obs.) &amp; Christian Sasse <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap221205.html</p> <br /> <br/>Powered by <a href="https://firstory.me">Firstory Hosting</a>